EK hi Khwab

Ek Hi Khawab, Kai baar Dekha hai Maine,
Tune saree mein uras li hai,
Chabbiyan meri ghar ki.
Aur chali aayee hai, Bas Yunhi
Mera haath Pakad kar.
Ek Hi Khawab, Kai baar Dekha hai Maine,

Mez par phool, sajate hue, Dekha hai kai baar,
Aur bistar se, Kayee baar jagaya tujhko
Chalte Phirte tere kadmon ki
Vo Aahat bhi suni hai.
Ek Hi Khawab, Kai baar Dekha hai Maine.

Gungunate hue, nikli hai, Nahake jab bhi
Aur apne, bheege hue,
Baalon se tapakta Pani.
Mere chehre pe chitak deti hai.
Ek Hi Khawab, Kai baar Dekha hai Maine

Tash ke patto pe ladti hai, kabhi kabhi khel mein mujhse.
Aur kabhi ladti hai, aise ke bas khel rahi hai mujhse

Aagosh mein nanhein ko liye
Ek Hi Khawab, Kai baar Dekha hai Maine.

Aur janti ho ____, Jab tumhara Yeh khawab Dekha tha.
Apne bistar pe Main us waqt, Pada JAAG raha tha.